ҚОСТҮЙІНДЕ ОТ ЖАҚПАЙДЫ
Отырар ауданында Қостүйін елді мекеніне табиғи газ берілді. Енді ауыл тұрғындары ағаш тасып, көмір сатып алып от жақпайды.
Ауданды көгілдір отынмен қамту жоспарға сәйкес жүзеге асырылып жатыр. Қазіргі таңда 21 елді мекенде табиғи газ бар.
Қостүйін ауылының ақсақалдары мен тұрғындары атқарылған жұмысқа ризашылығын білдіріп, ел игілігі үшін ақ батасын берді. Табиғи газдың келуі ауыл тұрғындарын қысқы машақаттан арылтып қоймай, экологиялық жағдайды жақсартуға және шағын кәсіпкерліктің (жылыжай, өндіріс орындары) дамуына жол ашады.
