ЗЕЙНЕТКЕ ШЫҚТЫ

Түркістан облысы әкімінің кеңесшісі Гүлжан Құрманбек зейнетке шықты. Облыста, аймақта жауапты басшылық қызметтерді абыроймен атқарған білікті әріптестің еңбегін жоғары бағалаған облыс әкімі сый-құрмет көрсетіп, ризашылығын білдірді.

Нұралхан Көшеров:

– Гүлжан Мамытқызы мемлекеттік қызметтің сан саласында абыроймен еңбек етті. Түркістан облысын дамытуға да айрықша үлес қосты. Еңбегіңізді әріптестеріңіз жоғары бағалайды. Алдағы бастамаларыңыза сәттілік, зор денсаулық, отбасыңызға амандық тілейміз, – деді.

Гүлжан Құрманбекова 1965 жылы 25 наурызда Оңтүстік Қазақстан облысы Отырар ауданында дүниеге келген. 1987 жылы Алматы халық шаруашылық институтын бітірді. Еңбек жолын Шәуілдір жолаушылар автокөлігі мекемесінің кассирі болып бастаған. 1987-1992 жылдары Қызылқұм аудандық қаржы бөлімінің кіріс есебінің инспекторы, тексеруші-инспекторы, аға экономисі қызметтерін атқарған. 1992-2004 жылдары ОҚО қалалық қаржы бөлімінің аға тексеруші-инспекторы, бас экономист, бас маман-бас экономисі болды. 2004-2005 жылдары ОҚО білім департаментінің бас маманы, Шымкент қаржы бөлімі меңгерушісінің орынбасары, 2007-2010 жылдары Шымкент қаласының қаржы бөлімінің бастығы қызметін атқарды. 2010-2020 жылдары Шымкент қаласының экономика және қаржы бөлімінің басшысы, Шымкент қаласы әкімінің орынбасары болды. Одан кейін Арыс қаласының әкімі, облыс әкімінің кеңесшісі лауазымдарын атқарды. «Қазақстан Республикасының Конституциясына 10 жыл», «Қазақстан Республикасының Тәуелсіздігіне 25 жыл» мерейтойлық медальдарымен, «Ерен еңбегі үшін» медалімен марапатталған.