КӘСІПТІК АУРУҒА НЕ СЕБЕП?

Созылмалы аурулар медицина тұрғысынан кәсіптік ауру санатына айналады. Кәсіптік аурулар — адамның еңбек қызметі барысында белгілі бір зиянды факторлардың (химиялық, физикалық, биологиялық және психоэмоционалдық) ұзақ немесе жоғары деңгейде әсер етуінен туындайтын аурулар.

Кәсіптік ауруларға себеп болатын негізгі факторлар:

• Шу мен діріл

• Улы химиялық заттар

• Ауыр дене еңбегі

• Компьютермен ұзақ жұмыс істеу

• Радиоактивті сәулелену

• Қолайсыз еңбек жағдайлары

Жиі кездесетін кәсіптік аурулар:

• Бронхит, пневмокониоз (шаңмен жұмыс істейтіндерде)

• Сүйек-бұлшықет жүйесінің аурулары (қолмен жұмыс істейтіндерде)

• Көздің көруінің нашарлауы (монитор алдында көп отыратындарда)

• Есту қабілетінің төмендеуі (шу деңгейі жоғары ортада істейтіндерде)

• Тері аурулары (химиялық заттармен жұмыс істейтіндерде)

Кәсіптік аурудың белгілері жай ғана шаршау, ауырсыну, әлсіздік сияқты көрінуі мүмкін. Уақытында әрекет етпесек, бұл созылмалы дертке айналып, жұмыс қабілетін төмендетеді.

Алдын алу жолдары:

• Жұмыс орнында қауіпсіздік ережелерін сақтау;

• Арнайы қорғаныс құралдарын пайдалану (маска, қолғап, құлаққап және т.б.);

• Дене белсенділігін арттыру, үзіліс жасау;

• Жыл сайынғы медициналық тексерістен өту;

• Жұмыс берушіден еңбек жағдайларын жақсартуды талап ету.

Ауырып ем іздегенше, ауырмайтын жол табу керек.