ТАҒЫ 30 ОТБАСЫ БАСПАНАЛЫ БОЛДЫ
Шымкентте мемлекеттік бағдарлама аясында Асар-2 және Тұран шағынаудандарындағы жаңа пәтерлер 30 отбасыға берілді. Қоныс иелеріне үйдің кілтін қала әкімі Ғабит Сыздықбеков табыстады.
Тұрғын үй қоры қалалық коммуналдық резерв есебінен қалыптастырылған және әлеуметтік осал санаттағы азаматтарды қолдауға бағытталған. Пәтер иелерінің тізімінде мүмкіндігі шектеулі жандар, ерекше балаларды тәрбиелеп отырған ата-аналар, сондай-ақ, жетім және ата-анасының қамқорлығынсыз қалған балалар мен тұлғалар бар.
Нысандарды іріктеу және табыстау рәсімдері белгіленген талаптар мен қолданыстағы заңнамаға сәйкес жүргізіледі. Жаңа үйлерді беру кезектілікті азайтуға, әлеуметтік тұрақтылықты нығайтуға және қала тұрғындарының қолайлы өмір сүруіне септігін тигізеді.
