ІРІ МАЛ БОРДАҚЫЛАУ КЕШЕНІ АШЫЛАДЫ
Отырар ауданында ауыл шаруашылығы саласы жаңа серпін алуда. Мемлекет басшысы Қасым-Жомарт Тоқаевтың агроөнеркәсіпті дамыту жөніндегі тапсырмасына сәйкес, Ақтөбе ауылында ауқымды инвестициялық жоба жүзеге асырылып жатыр.
Ақтөбе ауылында бой көтеріп жатқан нысан бір мезетте 5 мың бас ірі қара малды бордақылауға қауқарлы. Кәсіпкер Мұрат Нұрғали қолға алған бұл жобаның басты ерекшелігі — мұнда озық американдық технологияларды қолдану жоспарланған.
Жоба толық қуатына енген кезде 25 адам тұрақты жұмыспен қамтылып, ауыл тұрғындары үшін жаңа табыс көздері аашылады әрі ет өндірісінің көлемі айтарлықтай артады.
Аудан әкімі құрылыс алаңына арнайы барып, жұмыс барысымен танысты.
Қайрат Жолдыбай:
«Бұл жоба тек ет өндірісін ұлғайтып қана қоймай, ауыл шаруашылығын заманауи деңгейге көтереді. Біздің тарапымыздан кәсіпкерлердің мұндай игі бастамаларына әрдайым қолдау көрсетіледі», — деді.
Қазіргі таңда құрылыс жұмыстары қарқынды жүргізілуде. Жаңа бордақылау алаңы іске қосылғанда, Отырар ауданы облыстағы ет өнімдерін жеткізуші негізгі орталықтардың біріне айналмақ.
