90 ОТБАСЫ ПӘТЕРЛІ БОЛДЫ
Шымкентте 90 отбасыға жаңа жалдамалы баспана берілді. Олардың бәрі көптен бері кезегін күткендер. Мегаполис басшысы Ғабит Сыздықбеков пәтер иелерін құттықтап, кілттерін табыстады.
Жаңа үйлер Асар-2 шағынауданында орналасқан және барлық инженерлік коммуникациямен қамтамасыз етілген. Үйлерді тапсыру нысандардың дайын болуына және құжаттардың рәсімделуіне қарай кезең-кезеңімен жүзеге асырылады.
Жалдамалы пәтерлер мүгедектігі бар азаматтарға, толық емес отбасыларға, ерекше балаларды тәрбиелеп отырған отбасыларға, сондай-ақ, жетім балалар мен ата-анасының қамқорлығынсыз қалған балаларға берілді.
